Ահա թե ինչու Փաշինյանը որոշեց համաներում հայտարարել

newspress.am-ը գրում է

Կառավարության այսօրվա նիստում գործադիրը փակ ռեժիմով քննարկեց «Համաներում հայտարարելու մասին» օրենքի նախագիծը, որն ինչպես ավելի ուշ ներկայացրեց Արդարադատության նախարար Արտակ Զեյնալյանը, նոր կառավարությունը մշակել է տևական ժամանակ առաջ:

Վարչապետ ընտրվելուց հետո Նիկոլ Փաշինյանը մշտապես խուսափել է համաներում հայտարարելուց, այդ թեմայով իրեն ուղղված հարցերին պատասխանելիս էլ գործի էր գցում սրամտությունը:

Փաշինյանն այս չորս ամիսների ընթացքում համառորեն չէր ցանկանում մտնել այդ բեռի և պատասխանատվության տակ, բայց արի ու տես՝ բան է փոխվել:

Ակնհայտ է, որ Փաշինյանն «ափալ- թափալ» համաներում է հայտարարում ոչ թե կալանավորվածների շահերից ելնելով, այլ նրա համար, որ ներման արժանացած՝ արդեն նախկին կալամավորները գան հրապարակ՝ ավելացնելով իր փառքը:

Ներքաղաքական լարված Հայաստանում համաներման սպասող ավելի քան 3000 կալանավորը կլցնեն հրապարակը կամ կպաշարեն Ազգային ժողովի շենքը, եթե ֆեյսբուքյան լայվով այդ մասին հրահանգ տա Նիկոլ Փաշինյանը:

Վարչապետի համար սա ռազմավարական նշանակության քայլ էր, որին չդիմելն ամենաքիչը կնշանակեր 3000 հիասթափված հայացք և 3000 հոգու ծափերից զրկված Հանրապետության հրապարակ:

Ահա թե ինչու Փաշինյանը ճիշտ պահը որսաց՝ ևս մեկ քայլ մոտենալով իր նպատակին, քանի որ համաներում չհայտարարելը ոսկորի նման կանգնած էր շատերի կոկորդին: